www.hreindyr.is :: Veiðistjórnunarsvið Umhverfisstofnunar

Fréttir

Hér má fylgjast með framvindu veiðanna - settar inn töflur sem sína stöðuna eftir hverja 7 daga.

Nú að morgni þriðjudagsins 27. júlí hafa verið felldir 52 tarfar það sem af er veiðitímabilinu sem hófst þann 15. júlí. Á svæði 2, tuttugu og einn - á svæði 3, sex - á svæði 4, tvo- á svæði 5, fjóra, - á svæði 6, sjö - á svæði 7, sex - á svæði 8, þrjá- á svæði 9, þrjá. 27.07.10

Styttist í að veiðar á hreinkúm hefjist.

Þeir sem ekki hafa fengið sent veiðileyfi og ætla á veiðar fyrstu dagana ættu að athuga hvort þeir hafa fengið útgefið veiðikort 2010. Ef svo er ekki er það trúlega skýringin. Hafið þá samband við Akureyrarskrifstofuna s 5912000 og gangið frá málunum. 26.07.10

Fyrsti tarfurinn felldur á sv 7.

Fyrsti tarfurinn sem felldur er á veiðitímabilinu var felldur þrjár mínútur yfir tólf á miðnætti á svæði 7. Veiðimaður með Albert Jenssyni felldi tarfinn í Berufirði. Meiri fréttir síðar. 15.07.10

Spenna í loftinu............

Nú eru margir orðnir spenntir - hvar skyldi fyrsti tarfurinn falla í ár. Víða hafa sést góðir tarfar og virðast þeir vænni en oft áður á þessum tíma enda veturinn mildur og vorið gott á Austurlandi. Menn eru að fara til veiða á eftirtöldum svæðum - 2, 3, 5, 6, og 7 - nánar síðar. 14.07.10

Verkunarstöðin í Skóghlíð - heilbrigðisstimplun!

Verkunarstöð fyrir hreindýrakjöt er starfrækt á einum stað á Austurlandi. Þar sem hægt er að fá kjötið heilbrigðisskoðað og stimplað af dýralækni. Heilbrigðisstimplun kjöts. Kjöt sem á að selja ber samkvæmt lögum að heilbrigðisstimpla. Ein verkunarstöð þar sem menn geta fengið kjötið heilbrigðisstimplað hefur fengið starfsleyfi og er hún staðsett að Skóghlíð á Fljótsdalshéraði. Hafa skal samband í s. 471-1904 til að fá nánari upplýsingar. Til að kjöt fáist heilbrigðisstimplað verður að koma með dýrið óflegið á stimplunarstað. 14.07.10

Aðgát skal höfð!

Verið er að smíða nýjan skála við Laugarfell á Fljótsdalsheiði, þar eru nokkrir menn við smíðar næstu vikurnar og er leiðsögumönnum og veiðimönnum bent á að sýna sérstaka varúð ef þeir eru við hreindýraveiðar þar í grennd og tryggja að bakland sé öruggt eins og alltaf þegar verið er á veiðum. 14.07.10

Veiðtímabilið hefst á miðnætti!

Heimilt er að byrja veiðar á hreintörfum þann 15. júlí eins og undanfarin ár. Einhverjir stefna til veiða fyrsta daginn þannig að vænta má veiðifrétta á morgun. Nú er búið að póstleggja þau veiðileyfi sem hægt er að senda - sumir eiga eftir að fá útgefin veiðikort og verða hreindýraleifi þeirra ekki send á stað fyrr en gengið hefur verið frá því. Munið enginn fer á hreindýraveiðar án veiðileyfis, skotvopnaleyfis og veiðikorts.

14.07.10

Veiðitímabil hreindýra 2010

Ef einhverjum er það ekki ljóst þá er veiðitímabil hreindýraveiðanna 2010 sem hér segir:
Tarfar: Frá 15. júlí - 15. september. Kýr: Frá 1. ágúst til 20. september.
09.07.10

Ríflega 50 leyfum úthlutað á biðlista!

Nú um helgina ætti að berast tölvupóstur til þeirra sem fá nú úthlutað þeim leyfum sem komu til baka nú er lokafrestur til að greiða lokagreiðslu rann út. Um er að ræða rúmlega 50 leyfi sem langflest eru á veiðisvæði 1-2. Þeir sem fá bréf um úthlutun eru beðnir að staðfesta móttöku á netfangið Bullet1

joigutt@ust.is<br> 09.07.10

Staða biðraða 2010

Uppfært 30. júlí 2010 ( Miðað við úthlutuð leyfi þann dag - tölvupóstur um úthlutun gæti átt eftir að berast viðkomandi)

Svæði	Næstur inn í biðröð númer:
Svæði	Kýr	Tarfar
1 og 2	163	44
3	14	2
4	6	6
5	18	4
6	6	síðasti af 5 sk. lista
7	30	3
8	25	3
9	5	2

01.06.10

Greiðsla staðfestingargjalds úhlutaðra hreindýraveiðileyfa.

Síðasti mögulegi greiðsludagur staðfestingargjaldsins er miðvikudagurinn 31.mars. Ekki er hægt að greiða 1. apríl. Ef greiðsla berst ekki fyrir tilskilinn tíma hefur veiðimaður afsalað sér úthlutuðu leyfi og því verður úthlutað til næsta manns í biðröð. Varist að treysta um of á bankalínur eða framvirkar greiðslur á síðasta degi, því ef ekki er næg innistæða á reikningi þá greiðast ekki þær kröfur sem búið er að merkja til greiðslu á viðkomandi degi.

Lesa meira... 24.03.10