www.hreindyr.is :: Veiðistjórnunarsvið Umhverfisstofnunar

20. ágúst 2009 (myndir nýtt)

Þá er runninn upp dagurinn 20. ágúst. Gæsaveiðitímabil hófst í morgun og mun trúlega umferð manna á hreindýraveiðislóð aukast til muna þar sem margir gæsaveiðimenn stunda veiðar á heiðum uppi næstu vikur. Álag veiðanna á nú eftir að aukast dag frá degi og eins gott að veður verði hagstætt. Ef allir dagar væru eins og þessi virðist ætla að verða þá geta menn verið fullir bjartsýni. Í fyrsta skipti í langan tíma er suðvestlægur eða vestlægur vindur á Héraði. Margir farnir á veiðar. Eiríkur fer á svæði 1 með þrjá í kýr, Andrés með tvo í kýr og Snæbjörn með einn. Á svæði tvö eru farnir með menn í kýr: Magnús Karls, Guðmundur Péturss, Þórir, Sveinn Ingimars, Alli í Klausturseli og Siggi Aðalsteinss. með samtals 9 skyttur í kýr. Helgi Jens fer með einn í kú og annan í tarf. Á svæði 3 fer Dagbjartur með einn í tarf og Jón Egill með tvo í kýr. Óli Örn fer með einn í kú á sv. 4 og Sigurgeir með tvo í tarfa. Á svæði 5 fer Sævar með þrjá í kýr, Á svæði 6 fer Rúnar með einn í tarf. Á svæði 7 fer Guðmundur á Þvottá með tvo í kýr, Albert með einn í tarf, Stefán Gunnars með einn í tarf og Jónas Bjarki með einn í tarf. Árni Jóns fer með einn í kýr á sv 7 og Guðmundur Valur með tvo í kýr annan á sv. 6 og hinn á svl. 7 ef vel gengur. Ómar fer með tvo á svæði 6 í tarf. Á svæði 8 fer Sigurður Eymundss með þrjá menn, Stefán Helgi með tvo og Sigurður á Borg með tvo í kýr.

Þráinn Skúlason við hreinkú sína fellda á svæði 2 norðan Gilsárvatna með Sako cal 6,5x55. kúla TSX130 gr. Vigt 44 kg. Leiðsögumaður: Guðmundur Pétursson.

Veiðar gengu vel. Felld voru 37 dýr og skiptist það á eftirfarandi hátt eftir svæðum. Á svæði 1 voru felldar 4 kýr úr um 100 dýra hjörð á Jökuldalsheiðinni. Á svæði 2 voru felldar 13 kýr og 1 tarfur. Ein hjörð innan við Fitjahnjúk og önnur vestur af Sauðahnjúk. Tvær hjarðir voru utan við Gilsárvötn og tvær aðrar utan við Bessastaðavötn. Á svæði 3 voru felldar tvær kýr í Loðmundarfirði og einn tarfur utan og norðan við Vestdalsvatn. Á svæði 4 var felld ein kýr í Seyðisfirði og fjórir tarfar að sunnanverðu í Mjóafirði. Einn tarfur og ein kýr voru felld á svæði 6. Á svæði 7 voru felldar fjórar kýr, tvær þeirra í Starmýrardal. Tveir tarfar felldir í Búlandsdal. Á svæði 8 voru felldar tvær kýr.

Skrifað 20.08.09

Prenthæf síða